ქართული ღვინის 71% რუსეთში გავიდა - როგორია ექსპორტის მაჩვენებელი 2024 წელს

<p>საქართველოდან ღვინის ექსპორტი იზრდება. ღვინის ეროვნული სააგენტოს ცნობით, 2024 წლის მეორე კვარტალის მდგომარეობით (იანვარ-ივნისი) საქართველოდან მსოფლიოს 61 ქვეყანაში ექსპორტირებულია 54.376 ტონა, 156.066 მილიონი აშშ დოლარის ღირებულების ღვინო. გასული წლის ანალოგიურ პერიოდთან შედარებით, რაოდენობრივმა - 26%, ხოლო შემოსავლების ზრდამ 24% შეადგინა. კერძოდ, შარშან ქვეყნიდან 125.713 მილიონი დოლარის ღირებულების 43.339 ტონა ღვინო გავიდა.</p> <p>&nbsp;</p> <p>სტატისტიკის ეროვნული სამსახურის მონაცემებით, ყველაზე დიდი ოდენობით ქართული ღვინო&nbsp;<strong>რუსეთში</strong>&nbsp;გაიყიდა, სადაც მიმდინარე წლის პირველ ნახევარში ექსპორტირებული ღვინის ღირებულებამ 111.1 მილიონ აშშ დოლარს გადააჭარბა, მოცულობა კი 40.826 ტონა იყო.</p> <p>&nbsp;</p> <p>შემდეგ მოდის&nbsp;<strong>პოლონეთი</strong>, სადაც 7.834 მილიონი აშშ დოლარის ღირებულების 3.117 ტონა ღვინო გავიდა ექსპორტზე.</p> <p>&nbsp;</p> <div class="ad-component" data-position="inside_article"> <div class="ad"> <div id="adoceanadvertlinegeqgitjxpsde"></div> </div> </div> <p>მესამე ადგილზეა&nbsp;<strong>უკრაინა,</strong>&nbsp;6.092 მლნ დოლარის ღირებულების 2.209 ტონით. შემდეგ მოჰყვება&nbsp;<strong>ყაზახეთი</strong>, სადაც წელს 5.016 მილიონი დოლარის ღირებულების 1.560 ტონა ნატურალური ღვინო გავიდა. ხუთეულში შედის&nbsp;<strong>ბელარუსი</strong>&nbsp;ექსპორტის 3.962 მილიონ აშშ დოლარის ღირებულებით და 1.42 მილიონი ლიტრი ღვინით.</p> <p>&nbsp;</p> <p>ამასთან ერთად, ღვინის ეროვნული სააგენტოს ცნობით, მსოფლიოს 45 ქვეყანაში ექსპორტირებულია 23,4 ტონა სპირტიანი სასმელები, ზრდამ გასული წლის ანალოგიურ პერიოდთან შედარებით 55% შეადგინა. სპირტიანი სასმელების ექსპორტიდან შემოსავლების სახით მიღებულია 132,8 მლნ-მდე აშშ დოლარი (ზრდა 59%).</p> <p>&nbsp;</p> <p>გადაზიდე სასურველი პროდუქცია "ინტერ ლოჯისტიკსის" დახმარებით. (<span style="color: #1642e7;"><a style="color: #1642e7;" href="https://www.facebook.com/InterlogisticsLTD/" target="_blank" rel="noopener">FB ბმული</a></span>) კომპანიას 12 წლიანი გამოცდილება აქვს. დეტალებზე მოგვწერეთ მეილზე&nbsp;<a class="app-aware-link " href="mailto:info@interlogistics.ge" target="_self" data-test-app-aware-link="">info@interlogistics.ge</a>&nbsp;ან დაგვიკავშირდით ნომერზე:&nbsp;577 65 03 82</p>