საქართველოში 6 თვეში 8 018 სატვირთოს იმპორტი განხორციელდა

<p>მიმდინარე წლის ექვს თვეში საქართველოში 8 018 სატვირთო ავტომობილის იმპორტი განხორციელდა. სატვირთოების საერთო ღირებულებამ 99.493 მილიონ დოლარს გადააჭარბა.</p> <p>გასული წლის იმავე პერიოდთან შედარებით, სატვირთოების იმპორტი 34.4%-ით არის გაზრდილი. უფრო კონკრეტულად, გასული წლის პირველ ნახევარში საქართველოში 73.976 მილიონი დოლარის ღირებულების 7 379 ერთეული ამ კატეგორიის ტრანსპორტი შეიძინეს.</p> <p>რაც შეეხება იმპორტიორ ქვეყნებს, 2024 წლის პირველ ნახევარში ყველაზე მეტი რაოდენობის - 2 259 ერთეული სატვირთო იმპორტირებულია გერმანიიდან. ღირებულების კუთხით კი ჩინეთი ლიდერობს.</p> <p><strong>TOP 10 უმსხვილესი საიმპორტო ქვეყანა:</strong></p> <ul> <li>ჩინეთი - 23.598 მილიონი დოლარის 601 ერთეული;</li> <li>გერმანია - 19.192 მლნ დოლარის 2 259 ერთეული;</li> <li>თურქეთი - 17.616 მლნ დოლარის 357 ერთეული;</li> <li>ნიდერლანდები - 7.152 მლნ დოლარის 1 193 ერთეული;</li> <li>საფრანგეთი - 4.908 მლნ დოლარის 387 ერთეული;</li> <li>პოლონეთი - 4.524 მლნ დოლარის 591 ერთეული;</li> <li>ბელგია - 3.029 მლნ დოლარის 438 ერთეული;</li> <li>ლიტვა - 2.892 მლნ დოლარის 60 ერთეული;</li> <li>იაპონია - 2.823 მლნ დოლარის 977 ერთეული;</li> <li>აშშ - 1.665 მლნ დოლარის 162 ერთეული.</li> </ul> <p>რაც შეეხება ფასს, წელს საქართველოს ერთი სატვირთოს იმპორტი საშუალოდ 12 408 დოლარი უჯდებოდა, შარშან საანგარიშო პერიოდში კი 10 025 დოლარი.</p>