საქართველოში მზესუმზირის ზეთის 89% რუსეთიდან შემოდის

<p>საქართველოში მზესუმზირის ზეთის იმპორტი 5.9%-ით გაიზარდა. გასული წლის იანვარ-ივლისში ქვეყანაში 23.3 მილიონი დოლარის ღირებულების ზეთი შემოვიდა, წელს იმავე პერიოდში კი 24.6 მილიონი დოლარის.</p> <p>საანგარიშო პერიოდში შემცირებულია 1 ლიტრი მზესუმზირის ზეთის საიმპორტო ფასი. გასულ წელს თუ ერთი ლიტრის საშუალო ფასი 1.14 დოლარი იყო, წელს ფასი ერთ დოლარს გაუტოლდა.</p> <p>საქართველოში მზესუმზირის ზეთის უდიდესი ნაწილი რუსეთიდან შემოვიდა. მიმდინარე წლის შვიდ თვეში რუსეთის წილი ზეთის იმპორტში 89%-ს შეადგენდა. უფრო კონკრეტულად, საანგარიშო პერიოდში ზეთის 5 უმსხვილესი იმპორტიორი ქვეყანა ასე გამოყურება:</p> <ul> <li>რუსეთი - 20.8 მილიონი დოლარის 21 332 ტონა;</li> <li>უკრაინა - 2.9 მილიონი დოლარის 2 306 ტონა;</li> <li>აზერბაიჯანი - 807 ათასი დოლარის 624 ტონა;</li> <li>უნგრეთი - 109 ათასი დოლარის 59 ტონა;</li> <li>თურქეთი - 42 ათასი დოლარის 29 ტონა.</li> </ul>