„გართულებულია სახმელეთო გადაზიდვები - პირდაპირი ინვესტიციები არ შემოდის“
<p>„ტვირთნაკადები ტრანსპორტისა და ლოგისტიკის სფეროში შემცირდა, ამის მიზეზი კი ინვესტიციების ნაკლებობაა,“ - ამის შესახებ სატრანსპორტო დერეფნის კვლევის ცენტრის დირექტორმა, პაატა ცაგარეიშვილმა რადიო „პალიტრასა“ და „პალიტრანიუსის“ გადაცემაში „საქმე“ განაცხადა.</p>
<p> </p>
<p>„საქართველოში ტრანსპორტის და ლოგისტიკის სფეროში პირდაპირი ინვესტიციები არ შემოდის - თუ 2015-2016 წლებში მთლიანი უცხოური ინვესტიციების 35% მოდიოდა ტრანსპორტის და ლოგისტიკის სექტორზე, ბოლო წლებში 4-5%-მდე დავიდა.</p>
<p> </p>
<div class="ad-component" data-position="inside_article">
<div class="ad">
<div id="adoceanadvertlinegeqgitjxpsde"></div>
</div>
</div>
<p>საქართველოს რკინიგზა სატრანსპორტო დერეფნის ხერხემალია და სწორედ მასზე უნდა მოხდეს ტვირთების გენერირება, მაგრამ ინვესტიციებზე რომ ვთქვათ, ბოლო 5-6 წლის მანძილზე საქართველო არის BB დონეზე. ჩვენი მეზობელი აზერბაიჯანი 3 საფეხურით მაღლა დგას ამ საინვესტიციო მიმზიდველობით.</p>
<p> </p>
<p>სარკინიგზო რეიტინგი დიდი ხანია შემცირებულია, ამიტომ ინვესტორი ამ მიმართულებით არ მოდის. სატრანზიტო ამბიციის მქონე ქვეყნისთვის, მთლიან შიდა პროდუქტში 7% უკავია ტრანსპორტის სექტორს, როდესაც ასეთი მაჩვენებელი მხოლოდ ჩიხური ქვეყნებისთვის არის დამახასიათებელი. ინვესტიციის ნაკლებობა და კორუფციული მომენტები, აიძულებს ტვირთმფლობელს, დაბრუნდეს ძველ ალტერნატიულ მიმართულებაზე,“ - განაცხადა პაატა ცაგარეიშვილმა.</p>
<p> </p>
<p>მისი თქმით, გართულებულია საქართველოს სახმელეთო საავტომობილო გადაზიდვებიც.</p>
<p> </p>
<p>„გართულებულია საქართველოს სახმელეთო, საავტომობილო გადაზიდვებიც, თუნდაც ნებართვების თვალსაზრისით, თუნდაც ევროპის სივრცეში შეღწევის თვალსაზრისით. ასევე საქართველოს ნავსადგურებში, 2021 წელს 16.5 მლნ ტონა გადამუშავდა, 2022 წელს - 15 მლნ, 2023-ში 13.8 მლნ ტონა. ეს შემცირება არის ძალიან სენსიტიური მაჩვენებელი,“ - განაცხადა კვლევითი ცენტრის დირექტორმა.</p>