საქართველოს დერეფანში სატვირთო ავტომობილების რაოდენობა შემცირდა

<p>საქართველოს დერეფანში სატვირთო ავტომობილების გატარებიდან მიღებული შემოსავალი შემცირდა.</p> <p>&nbsp;</p> <p>ოფიციალური ინფორმაციით, 2024 წლის იანვარ-ოქტომბერში ხაზინაში ტრაილერების გატარებიდან 149 331 907 ლარი შევიდა, 2023 წლის ანალოგიურ პერიოდში - 151 700 551 ლარი. წინა წლის პერიოდთან შედარებით, გზათსარგებლობის საფასურით მიღებული შემოსავალი ბიუჯეტში 2024 წლის 10 თვეში, 2.4 მლნ-მდე ლარით შემცირდა.</p> <p>&nbsp;</p> <p>ფინანსური მაჩვენებლების მიხედვით, ამ წლის იანვარ-ოქტომბერში საქართველოს დერეფანი 426 662-მა სატვირთომ გადაკვეთა, წინა წელს კი 433 430 ტრაილერმა.</p> <p>&nbsp;</p> <div class="ad-component" data-position="inside_article"> <div class="ad"> <div id="adoceanadvertlinegeqgitjxpsde"></div> </div> </div> <p>ცნობისთვის, საქართველოს საზღვარზე სატრანზიტო ტრაილერებისთვის გზათსარგებლობის მოსაკრებელი 350 ლარს შეადგენს. აღნიშნული ტარიფი 2022 წლის 20 ივნისიდან მოქმედებს. მანამდე მძღოლებს 200 ლარის გადახდა უწევდათ.</p>