საქართველოში იმპორტული სიმინდის 99%-ზე მეტი რუსეთიდან შემოდის

<p>საქართველოში სიმინდის იმპორტი 2024 წლის იანვარ-ნოემბერში წინა წელთან შედარებით მცირედით, 1.2%-ით შემცირდა. 2023 წელს, ამავე პერიოდში საქართველომ 12.6 მლნ დოლარზე მეტი ღირებულების 51 795 ტონა სიმინდი იყიდა, წელს კი - 11 თვეში კი 51 173 ტონა მარცვლეულში 10.7 მილიონზე მეტი გადაიხადა.</p> <p>&nbsp;</p> <p>როგორც ცნობილია, იმპორტთან ერთად შემცირებულია 1 კგ სიმინდის საშუალო საიმპორტო ფასიც. გასულ წელს თუ ღირებულება გადასახადების გარეშე 24 ცენტს შეადგენდა, წელს ფასმა 21 ცენტამდე იკლო.</p> <p>&nbsp;</p> <p>მონაცემების მიხედვით, საქართველოში იმპორტული სიმინდის უდიდესი ნაწილი, 99.5%-ზე მეტი რუსეთიდან შემოდის. მაგალითისთვის, წელს იანვარ-ნოემბერში რუსეთიდან 50 927 ტონა სიმინდი შემოვიდა (10.5 მილიონ აშშ დოლარზე მეტი ღირებულების).</p> <p>&nbsp;</p> <div class="ad-component" data-position="inside_article"> <div class="ad"> <div id="adoceanadvertlinegeqgitjxpsde"></div> </div> </div> <p>რუსეთს სიმინდის უმსხვილეს იმპორტიორთა შორის მოსდევს თურქეთი (73 ათასი დოლარის 95 ტონა სიმინდი) და ამერიკა (18 ათასი დოლარის 26 ტონა). დანარჩენი ქვეყნების წილი კი სიმინდის იმპორტში მინიმალური იყო.</p>