ჩინეთიდან საქართველოში იმპორტმა რეკორდულ ნიშნულს მიაღწია

<p>ჩინეთიდან საქართველოში იმპორტი რეკორდულად ნიშნულზეა. სტატისტიკის ეროვნული სამსახურის მონაცემებით, 2024 წელს ჩინეთიდან 1.612 მლრდ აშშ დოლარის პროდუქცია შემოვიდა, რაც 2009 წლიდან (საგარეო ვაჭრობის პორტალზე სტატისტიკა ამ პერიოდიდან ქვეყნდება) ყველაზე მაღალი მაჩვენებელია.</p> <p>&nbsp;</p> <p>მონაცემების მიხედვით, 2023 წელს ჩინურმა იმპორტმა 1.329 მლრდ აშშ დოლარი შეადგინა, 2022 წელს - 1.126 მლრდ აშშ დოლარი, 2021 წელს - 865.039 მლნ აშშ დოლარი, 2020 წელს 708.952 მლნ აშშ დოლარი და ა.შ.</p> <p>&nbsp;</p> <p>ამასთან, წელს იანვარში, გასული წლების (2009 წლიდან) იგივე თვეებთან შედარებით, ასევე მაქსიმალურ მაჩვენებელზეა. წელს იანვარში 115.654 მლნ აშშ დოლარის პროდუქცია შემოვიდა, 2024 წლის იგივე თვეში 76.721 მლნ აშშ დოლარის, 2023 წლის იანვარში - 65.585 მლნ აშშ დოლარის, 2022 წლის იანვარში - 62.892 მლნ აშშ დოლარის, 2021 წლის იანვარში - 99. 604 მლნ აშშ დოლარის, 2020 წლის იგივე თვეში - 65.037 მლნ აშშ დოლარის.</p> <p>&nbsp;</p> <div data-position="inside_article"> <div> <div id="adoceanadvertlinegeqgitjxpsde"></div> </div> </div> <p>სტატისტიკის მიხედვით, წელს იანვარში ჩინეთიდან იმპორტირებულ პროდუქტებს შორის პირველ ადგილზეა მაცივრები.</p> <p>&nbsp;</p> <h2><span style="font-size: 12pt;">გთავაზობთ იმ პროდუქციის ათეულს, რომელიც წელს ჩინეთიდან ყველაზე დიდი მოცულობით შემოვიდა:</span></h2> <p>&nbsp;</p> <ul> <li>მაცივრები, საყინულეები და სხვა სამაცივრო ან საყინულე მოწყობილობები - 3.781 მლნ აშშ დოლარი</li> <li>რეზინის პნევმატური სალტეები და საბურავები, ახალი - 3.331 მლნ აშშ დოლარი</li> <li>ბრტყელი ნაგლინი ნახშირბადიანი ფოლადისაგან სიგანით 600 მმ ან მეტი - 3.238 მლნ აშშ დოლარი</li> <li>ხორცი და კვების სუბპროდუქტები შინაური ფრინველის, ახალი, გაცივებული ან გაყინული - 3.098 მლნ აშშ დოლარი</li> <li>მსუბუქი ავტომობილები - 2.668 მლნ აშშ დოლარი</li> <li>ბულდოზერები, ავტოგრეიდერები, ექსკავატორები, სატკეპნი მანქანები და სხვა - 2.574 მლნ აშშ დოლარი</li> <li>გემის დერიკ-ამწეები; ამწეები სხვადასხვა ტიპისა - 2.425 მლნ აშშ დოლარი</li> <li>მოწყობილობები ჰაერის კონდიცირებისათვის - 2.351 მლნ აშშ დოლარი სატვირთო ავტომობილები - 2.078 მლნ აშშ დოლარი</li> <li>მანქანები სარეცხი - 1.962 მლნ აშშ დოლარი</li> </ul>